MENG's profile癲倒夢想PhotosBlogListsMore  |  Tools Help |
|
5/30/2007 囍宴2007年5月27 日
是我的中學同學吳卓偉的大喜日子
他的妻子是姓冼的
聯起來念就是吳冼聯婚
我們都說成是"唔洗"聯婚
其實參加人家的婚禮沒什麼大不了
都一把年幾了
參加一下人家的婚禮也沒什麼大不了
只是之前有一些限插曲
哪就不說了
整個婚禮中最開心的
可以說是大家同學聚在一起
最嚇人的是羅生的髮型
有點難以接受la
都沒有別的了
p.s.
第二日仲約左羅生同青瓜食飯,shopping
都算開心la
畢竟咁耐冇見嘛
我個人好長情ga
bee bee跛左話說上上星期的某一天晚上
就是早上夜晚都要上班的哪一段時間
十一點下班後
拖著疲憊的身驅
乖公交車回家
在差不多回到家門的前一個車站
看到一頭貌似bee bee白免狗狗
在中國銀行門前的一棵樹下乘涼
就下車看個究竟
竟然真的是bee bee
說"呀bee 你都好嘆bor,係度吹風,返屋企la,走"
牠抖動著身體走了二步
就蹲下來不願再走了
看見這樣我就焦急起來了
因為不知道發生了什麼事情
抱著牠就跑回家中
開口就是罵
罵他們為什麼沒有把狗顧好
後來我姐檢查看知道沒有骨折
才安心下來
這陣子每天都要給牠按摩一下
已經好多了
我ge心肝呀... ... 5/26/2007 照肺入左新公司四日
已經比人照左四次肺
我就快精神病發la
今日tommy 仲打比我請我做sales
不過我用讀書為理由推左lu
早知佢地咁煩
我就答應tommy
我返工第二日
總經理無lala召左出去
話傾d野bor
尋日返聚龍軒分店
店長同香港黎ge主任又分別召見我
今日都未收工
總經理又黎搵我去飲野
一坐低又開始照我肺
講黎講去都係三幅被
咪又係我係唔真係有心信
成日驚我做幾個月就會走左
話我太有自信(我覺得係暗示自大)
又問我覺得公司有冇發展潛力bor
老實講la
唔理你係咩公司
我有幾like你份工都一定唔會留ga la
而且要我將電位療法凌駕於中,西醫學
我諗我真係冇辦法law
因為呢個唔係一個客觀見解
對病者一d好處都冇
而且我只係返得幾日工
最多係明白你地工作流程jek
如果我咁就知道發展潛力
都一定係講緊大話la
跟住又用佣金,金錢黎引誘我
係呀
我而係耍錢呀
不過都只係為左讀書之嘛
係而家呢個時間,
冇一樣野可以重要得過讀書
包括錢
我唔理你十萬一個月又好
幾百萬一個月都好
呢d都唔係我想要ge生活
我係好大洗
但我唔係完全冇節制
我諗你地睇錯人law
錢對我黎講係影響唔到我ga
所以
我已經過話左至少要比3個月時間我
係三個月內我會走ga la
亦請你地唔好再照我肺la
p.s.
係呀
我係有小小自大呀
因為你地做緊ge係我ge專業
對於自己專業都冇信心仲得了ge
你地要清楚我唔係好似你地咁中途出家ga
要馴服我都幾難下
煩 林曉培 5/24/2007 第三日相傳2551年前
悉達多太子出生係印度ge皇室
(佛陀死左幾百年耶穌都未出世)
太子出生就會行走
每行一步都有一朵蓮花
仲有九條龍從天而降以八功德水為太子淨身
太子就右手指天,左手指地講
"天上天下無如佛, 十方世界亦無比, 世界所有我盡見, 一切無有如佛者"
(另一版本係"天上天下,唯我獨尊")
所以後來就衍生出浴佛ge儀式
我參加過二次浴佛節
將花水淋係悉達多太子像ge右手時
我地都會念一句偈
"我今灌沐諸如來、淨智莊嚴功德海. 五濁眾生離塵垢、同證如來淨法身"
呢句偈我個心一直都記住
因為佢點出左佛教與其他宗教ge分別
其他宗教係以神為中心
但佛教係以自己為中心
本我即佛,佛即本我
而灌浴緊ge雖然係佛像
但實際佛像就係本我ge像徵
即係灌浴緊ge就係自己
所以點解我一直強調佛教係無神論
只有d一知半解ge人先會係度日拜夜拜
不明所以 ,不明根本,了無益處
正如入中論云"未達空性,施己身為無益之事"
已經三日lu
今日就係決定做唔做呢份工ge最最後答覆日
今日比人掟左返羅白沙假
開始接觸d街坊
比個呀婆剷左一鑊
不過d同事都好維護我
但就話我衣著fashion 得滯law
要我改變下bor
好la
為左錢就下你地law
反正做三個月之嘛
不過呢份工作好明顯我唔會當長工
因為我真係放唔抵身段
明明我係中醫
我又有研習過香薰療法,
又識西醫ge方法論
做咩咁多方法唔介紹
一定要去推薦你個電子療法
雖然有某些病電子療法得而且確係幫佢地改善左
但畢竟冇治癒佢地
另一樣野就係我應該唔多識對住d師奶講書
因為佢地好多都係冇咩常識ge
要教佢地唔係唔得
而係要我將好多醫學理論cut左ge話
我真係唔多識表達
加左佢地又聽唔明
所以都幾煩下
而家當係社區保健先law
三個月之嘛
我捱... ...
p.s.
呀翠同玲玲係唔係同我返海南ga
你地要扮表嫂飲茶ga bor
落難皇后 梁詠琪
比人厄錢岩先收工去到新葡京附近 有個肥肥地ge大陸佬截住我 跟住用好流利ge國語同我講 "佢係做生意ge,佢黎到澳門發生左d事,令到佢冇錢食飯 問我可唔可以比錢佢食飯,天日佢會打電話比我,親自還返錢比我" 佢又比左張卡片我 抬頭係咩咩貿易公司 我就比返張卡片佢 因為我知佢係厄人ga la 就比左20蚊佢 話唔洗比返錢我la, 話根本唔算咩野錢 之後佢又話 仲有個女仔佢都冇野食 比20蚊佢唔夠 可唔可以比多d 我即場火都黎埋 用國語同佢講"這個不可能" 叫佢入賭場咩都有得食 佢就走左la 之後越諗就越唔低 成日都係咁 有一個fd成日唔搵野做 佢冇飯食黎搵我借錢 佢都冇做野還乜鬼 我每都話係冇下次 但下次我又係心軟比錢佢 d人真係好唔知足 明知比你係厄我ga la 仲想要食好d要多d 我係唔係特別蠢呢? 5/23/2007 第二日由早上9點返到11點
真係好攰好攰
返到屋企已經好想訓
不過食左飯又唔係好敢即刻訓
驚肥呀嘛
結果等左一個鐘先訓
一訓就訓到今朝la
今日返工好似開始習慣
開頭會聽幾節
睇下佢地up咩
之後就會做下登記
去隔離水晶舖吹下水
又建議下d病人食療茶療
但係我只係做望同問診
唔會做切診law
一比佢地知道我真正身份
咪好唔得閒
你知la
d公公婆婆
又心臟病,又高血壓,又糖尿,又骨刺,又頭痛,又失眠
又呢樣又果樣
有s咩病都話有
一日成二百幾人ga
所以都係謙虛d好
中午時佢地冇人同我食飯
打畀朱姐同玲玲都唔得閒塞我
唯有自然落左singing bean 食飯
食左64蚊
最叻就係找錢比我個姐姐仔
我打算拎返d散銀走ga嘛
點知我張錢紙淨係拎起左二個一蚊
我都未出聲
紅姐仔已經收埋個夾
講聲多謝走左去
真係絕到無人有
p.s.
收工時又撞到小祺
佢肥左好多
差d認唔到
天日返聚龍軒分店
傻仔 楊千嬅
唯一 就只得到你肯關照一陣
未曾感動 亦曾經分享共震
5/22/2007 嗡.........小蜜蜂 小蜜蜂
我是一隻小蜜蜂
嗡嗡嗡 嗡嗡嗡
不做懶惰蟲
今日開始返新工
返九點至六點
一早起左身執好D眼耳口鼻
8:15就出門
萬萬估唔到係關口坐BUS到新馬路要一個鐘
第一日就遲到.
唉... ... ...
因為呢三日都係比我去睇佢地做野
所以由九點開始
直到七點我都冇咩點講野
食飯時間除外
真係悶到想死
仲要悶二日都唔知點死
果邊收左工
就返新建業個officer
(即係之前份工law)
因為我辭左一個月工
佢都係唔放我
成日話請唔到人
我又心軟bor
決定左ga la
最多幫到今個月月底
唔係由早上九點返到十一點真係死都唔掂呀
到時用咩借口辭工呢
p.s.
無lala比人起底
精神病
仲有呀
你地班衰野成日拎我黎開賭
激死我
雪中蓮 王菲
5/21/2007 轉工la由五月初開始,
大大小小的公司
寄了很多很多的應徵e-mail
當中有3到4間公司已經確定聘用
但亦因為考試或其他原因
沒有正式的到他們當中工作
縱然
給予的薪酬均超出我要求的水平
亦同時給予我很大的發進空間
假如真的是作為長遠的工作
就無需考慮太多
其中一間電位療法的公司
當時
有點懷疑其所推銷的產品有否欺騙成份
但公司十分體諒
提供了很多相關參考資料
亦自行查找予很多相關資料
從無知到了解,明白,甚至信任,再回到無知
但無知的是自己的孤陋寡聞
他還再給了我一個星期的時間考慮
事實上
已經開始想把這種療法納入美容院之治療室內
亦開始打算引進氦氖激光針儀器及柔光子等治療儀
今天
把資料還給他們
詢問我考慮好了嗎
我答應了他們
他們清楚我還存在疑惑
答應再給予我三天時間
這三天無需工作
只要回去看著他們工作
如果依然不相信的話
可以隨時辭工
但工資依然會發工資給我
所以
明天就要開始上班了
可惜的是
我已經辭職一個月了
舊公司還沒有打算給我辭職
只好早上到哪邊上班
晚上又回到這邊
本月都捱過了才算
p.s.
5月27,6月13,7月29都有得飲
又出血la
終身美麗 鄭秀文
如果這記憶非愛情
連天不會太高興
5/19/2007 我與sales公司的system依然還未修理好
回到公司就是上網,看電視
可是網絡有一點不太穩定
一直的斷
反正又沒事幹
就把電腦關了
然後到外面逛逛
把附近的店都逛過了
可找不到我想要的
最後一站是esiprt
本是打算買一點配件
比方說電話繩,腰帶這些東西
夏天嘛,
還是"皮"氣太重會不太自然
應該搭配布,麻這類的配件
在無意中發現了espirt有xs的服裝
然後就開始買的很開心
還join了member
服務我的sales問我的眼鏡是不是gucci的新款式
我就很直接的回答"是"
還告訴她到哪裡買
還告訴店員是我介紹的可以取得折扣
怎會有這樣的事情呀
到店裡買東西不是人家給我打折
還是我給人家打折
p.s.掛住買衫
又唔記得買cd
其實上面果d都係廢話
最近又聽返d舊碟(因為成日唔記得去買新碟)
又記起呢首歌
笑中有淚 楊千嬅 5/17/2007 白食白住由星期一開始
公司update 新的system
本應該一至二天就好了
可已經四天了
還是沒有弄好
除了星期一哪天
windy打電話叫我不用上班外
我已經在公司白坐了三天
平常雖然是沒什麼工作
可完全沒有工作原來是何等的無聊
給錢你白坐原來也不是一件容易勝任的工作
這陣子在研究電位療法
這陣子又重新開始了菩提心的修持
這陣子開始準備針灸減肥
這陣子開始了氣脈止觀的冥想
這陣子還在interview找工作,雖然已經有公司答應請我
這陣子.... ... ... ...很多很多........數之不盡
p.s.
剛才到7-11買野食
見到一位衣衫不整的小朋友在買野食
買了一個杯麵和一盒檸檬茶
但佢身上只有十蚊
餘額就由我付了
很難想像在澳門有這種情況
特別是在新口岸區
他是澳門人還是國內的呢??
想post呢首歌好耐
不過一直搵唔到完整ge版本
一個蘋果同粟米ge愛情故事
盧巧音 愛到不能
唔知你又聽唔聽得明究竟想講咩野呢?
话爱你的人说话满嘴也是责问,将一切理直折曲加不安感震动你心,路见有好人做慈善却嘲弄愚笨,只好信世上已经再没有好人
什麼事都可能 5/13/2007 捨不得... ....你雪落了候鳥就會飛
雨盡了暴布就會乾
從我由杭州回來
融入你們之間
原來不知不覺間已經四年
一起上課
一起複習
一起的總總......
考試其間只想著念書
考試完成了
突然停下腳步回過頭來
才驚醒
我們要四散了
怎麼樣也沒辦法再齊齊整整
因為我們當中有一群難以再見面的人--- ---國內生
縱然我們四年間從沒有交流
到了今天我還是分別清你們的名字
雖然有一些已移民來澳門
畢業後在澳門的同學們
已經不能用同學去形容
經驗過的告訴我們
我們已經是朋友,甚至是心交
但餘下的還會再聚在一起嗎?
希望的與想像中的一般都不一樣
現在已經四分五裂
會有改變的一天嗎?
初期還有互相致電,見面的時候
各自各的事業以後還有嗎?
你們可能不會出現在我的畢業典禮
可下一年的畢業典禮我一定會出現
時間到盡了 我們就要如候鳥般四散... ...
工作了大半年的同事也要闊別了
雖然工作我並不留戀
但你們的友善我還會記在心中的
p.s.仲有alice,唔死熊你地呀
夕陽無限好 陳奕迅
這個剎那宇宙 拒絕永久
世事無常還是未看透 還未看夠
5/12/2007 冤孽 X 完美生活鬧你一餐?
我憑咩野去鬧你一餐?
有咩野令我要鬧你一餐?
我真係冇火去鬧你
怪只可以怪你地當時冇諗清楚就一齊
已經講過冇可能返去以前ge感覺
亦預左你地最終會分開
但真係萬萬想唔到係咁樣分開
尋日傾左好耐我明白你諗咩
但重點係你地真係完全冇溝通
將d野收收埋埋結果.... .... ....
要相信你枕邊人至得ga
正如佢咁講一人一次打個和
冤孽.. ... ...
開始有這樣的想法
想要儲一筆錢
到西藏近湖邊的地方建一個房子
早上義診
下午靜修一下,看一下書
日入宜息
這樣的渡過下半生
終結於最簡單的生活
但當然這需要雙親骨頭打鼓之後
也就是適合退休的年齡才去做
把現有的不動產變買後應該也有百來萬吧
澳門地小人多
關係複雜
小圈子裡的關係更是千絲萬縷
光是以我為中心描繪的family tree已經可以很繁榮
只是他們可以是很多的交點
而我與他們的只是平衡線而已
真的有一點膩的感覺
p.s.
講不出聲ge後果就係
任憑自己在半夜驚醒
最後咪... ....遺忘本性
講不出聲 關菊英
5/11/2007 close X 說不出口一鼓作氣,再而衰,三而歇
古人真的是"挑通眼眉"
我們做事都是這樣的
初初開始考試的一週
還是很振奮的
一直念念背背
往後的科目
越來越不想念下去
感覺很累很累
到了兒科簡直只有看一下
可兒科卻一點也不兒戲,也不"小兒科"
給它耍了個大頭
don don說不管如何
考試完了就應該relax一下
可除了成績的陰霾外
還有工作的陰霾在重重的籠罩著我
剛才才跟老師吐苦水
何時才能撥發雲霧見青天?
我的乙等榮譽學位不可以掉丟的
不知道我們是不是因為是中國人的關係
不會像外國人一樣的"XX,我愛你"
哪三個字好像很難說出口一樣
反而愛滋病這三個字比較容易脫口而出
這一種習慣把情感內斂的傾向
做就了獨有的中國文化特色
但也但父母和子女之間容易產生心結
有什麼事情,
不管是開心的,不開心的
感情上的,事業上的,學習上的
我們都不會跟家人說
一般都是跟朋友說
朋友知道的往往比家人知道的還要多
現在又多了一個途徑
就是互聯網
我們會把自己的事情
完完全全的跟不相識的人分享
這就是中國人的特質----- -----講不出聲
可能真的正如林狗所說一樣
"你不明白的了,我給你網址,你自己上去看吧!"
這是發展的趨勢
P.S.
原來呢個世界上冇唔食魚GE貓
我真跌晒眼鏡
可能
這是因果報應
冤冤相報何時了?
為什麼我們都把重擔自己擱著
聽一下 關淑怡的只得一次
面子真的這麼重要嗎?
機會只得一次呢
5/9/2007 SIM卡啟動錯誤已經第二次了
昨天一早起來
電話顯示SIM卡設啟動錯誤
人家沒沒辦法打通我的手機
就打到我家來
才知道我已經被停機了
原來是我忘了確認地址
都是他們嘛
收到看不懂的信就扔到一旁
今天起來
電話也是顯示SIM卡啟動錯誤
這次不知道是我忘了繳費還是SIM卡壞了
又是打去求救的時候
原來是今天和記網絡大停電
說是什麼升級
我"頂你個肺"
升級升得所有的電話停用你就甭升了
人家在找工作的呢
人家打電話給我怎麼辦
剛剛開通不久現在又來了
打1118也是一堆道歉的廢話
有轉到CTM的衝動
說到找工作
昨天是最忙的一天
一天內INTERVIEW三家公司
二家工程公司一家禮品店的店長
一家公司說我很年青(我已經好老了,歷盡蒼桑了好不好)
一家說我學歷太高(我只是大學畢業而已)
一家沒說什麼
唉
繼續吧
反正一天沒有人答應請我
還是要繼續的尋覓
但我已經辭掉現在的工作了
已經開始在想去杭州回來後可以選擇哪一類工作
don't cry for me ....... 5/8/2007 戰敗今日又考完一科
女人事已經好煩好難搞
估唔到女人病一樣係咁煩咁難搞
我今次真係比佢打敗
讀醫咁耐
未試過考完試有呢種失落感
前幾天有一個朋友給了我一個網站
看過以後朋友覺得很氣
可我看了只覺得說得很有道理
真的我們中國的文化
外國人都在讚嘆
都在學習我們中國五千年的文化
我們中國人也很努力的學習人家的文化
可我們就把自家的文化拋諸腦後
把自己的傳統智慧批判
說成是迷信,迂腐,封建,不科學的
祟外而責內
再這樣下去
中國的傳統文化可能在幾代內就會消失了
嗚呼哀哉....... ...
家家有本難念的經
家事一塌糊塗
楊千嬅 電光幻影
我或無我 ..............得所以失 歸於對便錯
愛恨無常 雪落無聲 色不過色 卻礙了空性 5/4/2007 re 無言尋晚有個朋友睇左一位人兄ge結案陳詞
叫我去look look bor
咁咪去look look law
一睇估唔到佢冇話我
仲知道自己缺點
原來佢都有自知之明ge
呢d真係叫做"做過咩野,心知肚明"
以下就同佢點評下la
1.,呢個世界真係有好多種人,唔係個個都是你所認知的那一類人
冇錯,有好多人一邊講貞節,一邊去同其他人訓;一邊愛呢個,一邊又同果個訓.
2.自己由頭到尾都跟足個遊戲規則,咁樣咪算lor
真係唔明呢句講咩野?遊戲規則係指床上定床下?呢d野唔洗同人講ga bor!!我冇興趣知
3.我自己都做到所說過的事,自己做到,人地做不到都無法
係lu,我都叫邊個邊個唔洗同我講ga la,反正週圍ge人都有feedback 返比我知佢係咩人
4.我最憎果d 9唔搭8的人說3道4,單單打打,,,,仲要件事由頭到尾都無關過呢d人事..><
成編文章最好就係呢段
佢驚覺自己"說三道四"(例如:將描述說成評述,將唔關佢事ge野,講成關佢事,反而就變左唔關人地事)
又發現自己"九唔搭八"(例如:將著衫"爛身爛勢"講到去自己ge性生活同感情生活)
仲有"單單打打"(例如佢單打人地係"壞人".其實係五十步笑百步)
以及"仲要件事由頭到尾都無關過呢d人事..><"
(有錯呢件事得而且確唔關佢事,因為係我同大側講緊野,自己走黎做"嫁娘")
其實成件事係點??
真係好多人証同物証去証明
週圍人對佢ge評價我當初都唔信
不過而家真係唔到我唔信
唔係話今次呢件事
係當我知道佢"口講一套,去到床邊又一套"時
就發現呢個人講野口不對心,信唔過
但佢邏輯真係好有問題
唔知點解結案陳詞咁凌亂
明明起因係講大側衣著
唔知點解佢變左圍繞佢ge私人性生活
認真"九唔搭八"
可能一講到衣著
佢就只係諗到"一絲不掛"
大側側呀
果日你生日我應該唔到ga la
費時搞串你個party la
5/3/2007 心中有愧尋晚發生左一件事
係一件好無聊ge事情
不過又比我加深了解一個人
事源係某個bbs度某個topic入面有人post左一張相
我以為係果位人兄
就留言話好似係邊個邊個bor
佢就同樣留言話唔係佢
仲講埋原來係大側
以我同大側ge熟落程度
問下佢做咩學人著到爛身爛勢唔奇jek
點知果位人兄突然屎忽癢
有自唔在拿屎上身
話我所指果個學人所指ge"人"
係我暗串佢bor
真係唔明白
咁多人睇果個topic冇人出黎認
就偏偏佢會走出黎認左佢
我諗佢真係睇得自己太高掛
仲同我講話低得佢有人鐘意bor
請搞清楚係你有人鐘意
定係你去鐘意人
同是要知道人地當你係情人
定係吹氣公仔
我之前發表有關sex同love ge文章絕對唔係針對你
要對號入座我阻唔到你ga bor
如果冇後悔好enjoy又怕咩比人知
心中有鬼我幫你唔到ga
從來做事光明正大
唔會比d無論ge指責
比方說"你做過d咩野心知肚明"
呢d咁無聊ge野我只會貽笑大方
因為我從來係無事不可對人言
況且我對我作為一個佛教徒ge戒律都嚴守有餘
(包括別解脫戒,菩薩戒,十四根本戒,三昧耶戒)
行得正企得正
又點會心中有愧
以你ge中文水平認為學人果個人係你真係不足為奇
因為我形容隻狗多口水果個係描述而唔你評述
請好好整理下你ge情緒
特別係串人前先搞清楚咩野叫壞人
係你?定係人?
p.s.
原來如多野唔係黑同白咁簡單
第三身 ---- ------ ----麥浚龍,何韻詩
很複雜 竟多了這個她
5/2/2007 能醫... ... 不自醫本著必死無疑的心態進入考場
填上了座號與學號
翻開試題
大家都誤會了老師的意思
可謂喜出望外
但置之死地而後生的感覺
最怕的骨科都考過了
可病卻沒有好起來
前天想發燒的時候吃了退燒藥
果然沒有發燒
可喉嚨就越來越痛
看我很精神就可以很大聲說話呢
這就是"啞巴吃黃蓮"
自己開了一帖藥
應該用牛方形容比較對
都沒有試開如此恐怖的藥方
沒辦法呀
自己沒辦法替自己診斷
叫我不亂石投林
還有別的方法嗎?
又要繼續努力
準備婦科的考試
準備辭職
準備失業
因為
我有預感
上次的能開出這樣好的待遇(暫時來說)
應該是泡湯了
誰叫我要考試
沒辦法即時上班
p.s.
世上就時有很多喜歡對號入座
口不對心
做了又怕人知道的人
ck 我是最後知道的一個
5/1/2007 我猜 我猜 我猜猜猜面對茫茫然
有如汪洋大海,黃河滔滔,萬丈深潚般ge骨科範圍
真係唔知點好呀
大煲啦
不過點都好
不到黃河心不死
大家一定要撐落去呀
不過
我好似撐唔住
有d想發燒
派牌問我究竟想點bor
唉
你又黎強迫我都冇用ga
點解我咁慢熱又被動
唔係我唔想知道
係我好驚去猜
仲要可能係猜錯果隻
瘀皮都唔mind呀
係人地會點諗你呀嘛
反正算la
係你ge就係你ge
唔係你ge就唔係你ge
好似買六合彩咁
幾多人估完試完咪又係等場空
我覺得人心比六合彩更難捉摸
至少六合彩你可以串勻佢
人心唔得呢
你個衰人派牌
誘騙我出去shopping
你係唔係同d sales夾埋ga
不過買野時真係最能忘卻一切
可惜
見到張單時就悲從中來呢
嗚... ... ...
p.s.
5月1日生日ge威生
係勞動節出世,
住係勞動節大馬路ge菠蘿頭
你地二個聽住
生日快樂呀
今日送首新歌比你地二個la
孫燕姿 我懷念的
我記得哪年生日... ... .... 誰記得,誰忘了
|
|
|
